Nzambi Udi Nanyi?

Sendese mualeha uu nu mangino athu ana kombelela nzambi jiavula. Uvi Biblia yana zuelela Nzambi mumoshi “wabalega nzambi jiagasue gukoma.” (2 Gudilanduluila 2:5) Nzambi muene nanyi? Mukunda natshi Nzambi muene udi wakoma gubalega nzambi jiko jinyi athu ana kombelela? Mu longo edi uza mujiya mukunda natshi Nzambi muene udi mutshigina egi umujiye.

1. Jina dia Nzambi nanyi? Itshi idi mumonesa egi muene udi mutshigina egi tujiye jina dienji?

Nzambi wana gutukuatesa ha gumujiya mu njila ya Biblia. Udi muzuela egi: ‘Ame ngudi Yehowa. Diene jina diami.’ (Tanga Yeshaya 42:5, 8.) Jina edi “Yehowa” diakatuga mu mbimbi ya Hebelu, didi mukotelesa egi: “Wana Gudibuisa.” Yehowa wana tshigina egi tujiye jina dienji. (Guzoga 3:15) Itshi idi gututuma ha gutshigina ndaga yene? Handaga mu Biblia, jina dia Yehowa didi mafundo gubalega 7 000!a Yehowa didi jina dia “Nzambi wa giamatshidia gosa mu dilu nu hashi’a mavu.”​—Mikhuala 4:39.

2. Ndaga itshi Biblia yana gutuwambela mukunda nu Yehowa?

Biblia yana zuela egi, ikhale athu ana kombelela nzambi jiavula, uvi phamba Yehowa udi Nzambi wa giamatshidia. Mukunda natshi? Handaga gudi nu ndaga jiavula jiana monegesa ndaga yene. 1) Yehowa udi Fumu wabalega gukoma, muene hakhenji udi ‘Nzambi wa Gudinyinyiga ha mavu agasue.’ (Tanga Ngimbo 83:18.) 2) Biblia yana gumutamega egi “Nzambi wa Ngolo Jiagasue,” yakotelesa egi udi nu ngolo jia gukalagala ndaga yagasue yatshigina muene. 3) Muene “wafugile ima yagasue” idi mu dilu nu idi ha mavu. (Gumonesa 4:8, 11) Luko, phamba Yehowa wakhala guene mayilago, mbawulandula nji gukhala guene mayilago.​—Ngimbo 90:2.

3. Nzambi wana khala nu batitre avula uvi wana khala nu jina dimoshi

Ha gujiya gudisha gudi mukatshi dia batitre a muthu nu jina dienji Tala VIDEO, gungima zuelelenu muhu owu walandula.

VIDEO: Nzambi Wana Khala nu Batitre Avula uvi Jina Dimoshi (0:41)

• Gudisha gutshi gudi mukatshi dia titre gifua “Fumu,” nu jina?

Biblia yana zuela egi athu ana kombelela nzambi jiavula nu mafumu avula. Tala Ngimbo 136:1-3, gungima zuelelenu muhu owu walandula:

• Nanyi udi ‘Nzambi wa nzambi jiagasue’ nu ‘Fumu wa mafumu agasue’?

4. Yehowa wana tshigina egi ujiye jina dienji nu ukhale gudikalegela

VIDEO: Nzambi Wana Khala nu Jina Ba?​—Gitshinyi (3:11)

• Udi mutangiza egi Yehowa wana tshigina egi jina dienji dijiyiwe ba? Mukunda natshi?

Yehowa wana tshigina egi athu akalegele jina dienji. Tanga Roma 10:13, gungima zuelelenu mihu eyi yalandula:

• Mukunda natshi idi nu ndando egi tukalegele jina dia Yehowa Nzambi?

• Luholo lutshi wana gudivua gula muthu gashigo mubuita jina diaye mutshima nu wana gugutamega mu jina diene?

• Udi mutangiza egi Yehowa wana gudivua luholo lutshi gula udi mukalegela jina dienji?

5. Yehowa wana tshigina egi ukhale futa dienji

VIDEO: Ngakhalele Mukamba Nzambi wa Giamatshidia (8:18)

• Video yamonesa egi luholo lutshi gujiya jina dia Nzambi guakuatesele Soten?

Gula udi mutshigina gubua futa dia muthu, wana kamba thomo gujiya jina dienji. Tanga Yakoba 4:8a, gungima zuelelenu mihu eyi yalandula:

• Yehowa udi gugutoga ha gutshita itshi?

• Luholo lutshi gujiya nu gutamega jina dia Nzambi guajiya gugukuatesa ha gukuata ufuta wakola n’enji?

NDAGA WALONGUGA

Nzambi wa giamatshidia jina dienji Yehowa. Wana tshigina egi tumujiye nu tukalegele jina dienji, ngenyi mbayitukuatesa ha gukuata ufuta wakola n’enji.

Mihu ya guvutugila

• Ndaga jitshi jidi mumonesa egi Yehowa udi wa gudisha nu nzambi jiko athu ana kombelela?

• Mukunda natshi tudi naye gutamega Nzambi mu jina dienji?

• Itshi idi mumonesa egi Yehowa udi mutshigina egi ukuate ufuta wakola n’enji?

NDAGA JIKO JIA NDANDO

Tala ndaga 5 jidi gututshiginyisa egi Nzambi wakhala diago guene.

“Dieu existe-t-il?” (Longo edi didi mu jw.org)

Mukunda natshi gukhala nu gutshigina egi Nzambi wakhala guene gudi nu ndando?

“Qui a fait Dieu?” (Inzo Yaleha ya Mutaledi ya 1 Aout 2014 ya français)

Tala ndaga idi gututuma ha gutamega Nzambi mu jina dienji, ikhale tushigo mujiya muabonga luholo athu akhalele guditamega mu zuelelo dia Hebelu.

“Qui est Jéhovah?” (Longo edi didi mu jw.org)

Luholo tuana tamega jina dia Nzambi ludi luabonga ba? Tala ndaga jidi gututuma ha guzuela egi Nzambi wakhala phamba nu jina dimoshi.

“Combien de noms Dieu a-t-il?” (Longo edi didi mu jw.org)