10 “‘Sapos hem givim wanfala sheepsheep or goat for burnt offering,+ hem mas givim wanfala young man sheepsheep or man goat wea healthy.+ 11 Olketa mas killim dae animal hia lo north saed blo altar front lo Jehovah, and olketa son blo Aaron, wea olketa priest, bae splasim lelebet blood hia raonem datfala altar.+

3 “‘Sapos hae priest*+ nao sin+ and diswan mekem pipol hia tu guilty, then hem mas givim wanfala young bull wea healthy for Jehovah olsem sin offering* for sin wea hem duim.+ 4 Hem bae tekem datfala bull lo entrance blo tent for meeting+ front lo Jehovah and putim hand blo hem antap hed blo bull hia, and hem mas killim dae datfala bull front lo Jehovah.+