25 “‘Sapos eniwan lo iufala hem poor and hem mas salem samfala land blo hem, wanfala man wea garem raet for baem bak* and wea hem klos relative blo hem mas kam and baem bak samting wea relative blo hem salem.+ 26 Sapos samwan no garem eni man wea garem raet for baem bak bat gogo hem garem inaf selen for baem bak datwan, 27 hem mas calculatem value blo datfala land start lo year wea hem salem. Then hem subtractim from price wea hem salem lo land hia, and givim datfala amount lo man wea baem land hia. Then hem savve tekem bak property blo hem.+