4 “‘Diswan nao olketa festival blo Jehovah wea iufala bae celebratem lo olketa difren season, wea olketa holy convention wea iufala mas talem for pipol celebratem lo taem wea mi markem:

16 “‘Lo first month, lo mek-14 day blo datfala month, hem Pasova+ blo Jehovah.

29 “‘And lo mek-seven month, lo first day blo datfala month, iufala mas celebratem wanfala holy convention. Iufala mas no duim eni big waka.*+ Lo datfala day iufala mas blowim olketa trumpet.+

13 “Iufala mas celebratem Festival blo Olketa Smol Leaf Haos*+ for sevenfala day taem iufala hipimap evri seed from ples for aotem grain from skin blo hem, and oil from ples for smasem olive frut and wine from ples for smasem olketa grape.

16 “Diswan nao thrifala taem evri year, wea evri male blo iufala mas kam front lo Jehovah, God blo iufala, lo ples wea hem chusim: lo Festival blo Bred wea No Garem Yeast,+ Festival blo Olketa Week,+ and Festival blo Olketa Smol Leaf Haos.*+ No eniwan lo olketa mas kam emti hand front lo Jehovah.