18 “Iufala mas appointim olketa judge+ and markem olketa officer for each tribe lo evri taon* wea Jehovah, God blo iufala, hem givim for iufala, and olketa mas followim justice taem olketa judgem pipol.

8 “Sapos eni case hem kamap lo wanfala lo olketa taon blo iufala and hem no isi case for iufala judgem, nomata hem case wea samwan killim dae narawan,+ or hem case abaotem raet blo samwan, or hem case blo tufala wea faet, or hem case abaotem eni nara raoa wea kamap, iufala mas go lo ples wea Jehovah, God blo iufala, hem chusim.+ 9 Go lo olketa priest from tribe blo Levi and lo judge+ wea waka lo datfala taem, and storyim case blo iufala lo olketa, and olketa nao bae givim disison for case blo iufala.+

16 Sapos wanfala man givim laea witness againstim narawan and sei man hia duim wanfala rong samting,+ 17 tufala man hia wea raoa bae standap front lo Jehovah, front lo olketa priest and olketa judge wea waka lo datfala taem.+