47 Bat land blo tribe blo Dan hem no garem inaf spes for olketa.+ So olketa go ap and faet againstim olketa lo Leshem+ and tekovarem datfala taon and killim dae olketa pipol witim sword. Then olketa tekem datfala taon and stap lo hem, and olketa changem nem hia Leshem, for kamap Dan, followim nem blo grandadi blo olketa Dan.+ 48 Diswan nao hem land wea olketa famili lo tribe blo Dan olketa inheritim. Diswan hem olketa taon and olketa vilij blo olketa.

29 And tu, olketa nemim datfala taon lo nem blo dadi blo olketa, Dan,+ wea hem son blo Israel.+ Bat nem blo taon hia firstaem+ hem Laish.