• 1 Samuel 18:6-8
    Niu World Transleison blo Holy Scripture

    • 6 Taem David and olketa narawan kam bak bihaen olketa winim olketa Philistine, olketa woman from evri taon lo Israel savve dance and singsing+ kam for meetim King Saul. Olketa singaot witim hapi, and dance witim tambourine,+ and lute.* 7 And olketa woman hia sing olsem:

      “Saul killim dae wan thousand,

      And David killim dae ten thousand.”+

      8 Taem Saul herem song hia, hem kros fogud+ and hem sei: “Olketa sei David killim dae ten thousand man, bat mi olketa sei mi killim dae wan thousand man nomoa. Next samting wea stap, bae olketa mekem hem king!”+

  • 1 Samuel 29:4, 5
    Niu World Transleison blo Holy Scripture

    • 4 Bat olketa prince blo olketa Philistine kros lo Achish and sei lo hem: “Iu talem hem go bak.+ Talem hem go bak lo ples wea iu givim lo hem. No letem hem kam witim iumi lo faet nogud hem tane raon and faet againstim iumi.+ Sapos hem killim olketa man blo iumi and holem go hed blo olketa for showim lo lord blo hem, datwan bae mekem lord blo hem hapi moa lo hem. 5 Masbi diswan hem David wea olketa dance and sing abaotem hem, and sei:

      ‘Saul killim dae wan thousand,

      And David killim dae ten thousand.’”+