3 “Iu savve finis dadi blo mi David hem no savve buildim wanfala haos for mekhae lo nem blo Jehovah, God blo hem, bikos hem faet witim olketa enemy wea stap raonem hem go kasem taem Jehovah putim evri enemy blo hem andanit lo foot blo hem.+

17 And for buildim wanfala haos for mekhae lo nem blo Jehovah, God blo Israel, hem samting wea dadi blo mi David barava laek for duim.+ 18 Bat Jehovah sei olsem lo dadi blo mi David, ‘Barava gud samting nao iu laek for duim, for buildim wanfala haos for mekhae lo nem blo mi. 19 Nomata olsem, iu bae no buildim datfala haos, bat son wea bae born kam lo iu* nao bae buildim datfala haos for mekhae lo nem blo mi.’+

4 “Iu go and talem lo servant blo mi David, ‘Diswan nao wanem Jehovah talem: “Ino iu nao bae wakem haos for mi stap insaed.+ 5 Start lo day wea mi tekem aot pipol blo Israel kam kasem distaem, mi no stap insaed eni haos bat mi muv lo wanfala tent go lo nara tent, and muv lo wanfala tabernacle go lo narawan.*+ 6 Lo full taem wea mi wakabaot witim evriwan lo Israel, hao, enitaem mi talem lo eniwan lo olketa judge blo Israel wea mi markem for lukaftarem pipol blo mi, and sei, ‘Why nao iufala no wakem wanfala haos from cedar tree for mi?’”’

7 David sei lo son blo hem Solomon: “Mi barava laekem tumas for buildim wanfala haos for mekhae lo nem blo Jehovah, God blo mi.+ 8 Bat toktok wea Jehovah talem lo mi hem olsem, ‘Iu bin killim dae staka pipol, and iu join lo staka faet. Iu bae no buildim haos for mekhae lo nem blo mi,+ bikos iu bin killim dae staka pipol lo earth front lo eye blo mi.