4 Lo datfala sem naet, Nathan kasem toktok from Jehovah, wea sei: 5 “Iu go and talem lo servant blo mi David, ‘Diswan nao wanem Jehovah talem: “Why nao iu laek wakem wanfala haos for mi stap insaed?+ 6 Start lo day wea mi tekem aot pipol blo Israel from Egypt kam kasem distaem,+ mi no stap insaed eni haos, bat mi muv* raon nomoa lo tent and lo tabernacle.+ 7 Lo full taem wea mi wakabaot witim evri Israelite,* hao, enitaem mi talem lo eniwan lo olketa leader lo olketa tribe blo Israel wea mi markem for lukaftarem pipol blo mi, and sei, ‘Why nao iufala no wakem wanfala haos from cedar tree for mi?’”’

17 And for buildim wanfala haos for mekhae lo nem blo Jehovah, God blo Israel, hem samting wea dadi blo mi David barava laek for duim.+ 18 Bat Jehovah sei olsem lo dadi blo mi David, ‘Barava gud samting nao iu laek for duim, for buildim wanfala haos for mekhae lo nem blo mi. 19 Nomata olsem, iu bae no buildim datfala haos, bat son wea bae born kam lo iu* nao bae buildim datfala haos for mekhae lo nem blo mi.’+

7 David sei lo son blo hem Solomon: “Mi barava laekem tumas for buildim wanfala haos for mekhae lo nem blo Jehovah, God blo mi.+ 8 Bat toktok wea Jehovah talem lo mi hem olsem, ‘Iu bin killim dae staka pipol, and iu join lo staka faet. Iu bae no buildim haos for mekhae lo nem blo mi,+ bikos iu bin killim dae staka pipol lo earth front lo eye blo mi.