8 Bihaen datfala Rabshakeh hem herem dat king blo Assyria hem lusim Lachish, hem go bak lo king and lukim hem faet againstim taon lo Libnah.+ 9 Lo datfala taem king herem nius wea sei dat King Tirhakah blo Ethiopia hem kam nao for faet againstim hem. Taem hem herem datwan, hem sendem olketa messenger go moa lo Hezekiah+ and sei: 10 “Diswan nao wanem iufala shud talem lo King Hezekiah blo Judah, ‘No letem God blo iu wea iu trustim for laea lo iu taem hem sei: “Bae mi no putim Jerusalem lo hand blo king blo Assyria.”+ 11 Lukim! Iu herem finis samting wea olketa king blo Assyria duim lo evri land wea olketa barava distroem.+ Hao, iu tingse iu nomoa bae sev? 12 Waswe, olketa god blo olketa nation wea olketa grandadi blo mi distroem rescuem olketa?+ Wea nao Gozan, Haran,+ Rezeph, and pipol lo Eden wea stap lo Tel-assar? 13 Wea nao king blo Hamath, king blo Arpad, and king blo olketa taon lo Sepharvaim,+ and lo Hena, and lo Ivvah?’”