29 Then Joshua witim evri man blo Israel lusim Makkedah and go lo Libnah, and olketa faet againstim Libnah.+ 30 Jehovah givim tu Libnah and king+ blo hem lo olketa lo Israel, and olketa attakim datfala taon and killim dae evriwan lo datfala taon witim sword, olketa no leavim eniwan for stap laef. Sem samting wea olketa duim lo king blo Jericho, olketa duim tu lo king blo Libnah.+

22 Bat olketa blo Edom gohed bighed againstim Judah kam kasem distaem. And Libnah+ tu bighed lo datfala taem.

8 Bihaen datfala Rabshakeh hem herem dat king blo Assyria hem lusim Lachish,+ hem go bak lo king and lukim hem faet againstim taon lo Libnah.+ 9 Lo datfala taem king herem nius wea sei dat King Tirhakah blo Ethiopia hem kam nao for faet againstim hem. So hem sendem olketa messenger+ go moa lo Hezekiah and sei: 10 “Diswan nao wanem iufala shud talem lo King Hezekiah blo Judah, ‘No letem God blo iu wea iu trustim for laea lo iu taem hem sei: “Bae mi no putim Jerusalem lo hand blo king blo Assyria.”+ 11 Lukim! Iu herem finis samting wea olketa king blo Assyria duim lo evri land wea olketa barava distroem.+ Hao, iu tingse iu nomoa bae sev? 12 Waswe, olketa god blo olketa nation wea olketa grandadi blo mi distroem rescuem olketa? Wea nao Gozan, Haran,+ Rezeph, and pipol lo Eden wea stap lo Tel-assar? 13 Wea nao king blo Hamath, king blo Arpad, and king blo olketa taon lo Sepharvaim, and lo Hena, and lo Ivvah?’”+