• 2 Chronicles 34:19-21
    Niu World Transleison blo Holy Scripture

    • 19 Semtaem wea king herem olketa toktok blo Law, hem brekem nao kaleko blo hem.+ 20 Then king givim order lo Hilkiah, Ahikam+ son blo Shaphan, Abdon son blo Micah, Shaphan wea hem secretary, and Asaiah wea hem servant blo king, 21 and sei: “Iufala go faendemaot tingting blo Jehovah for mi, and for olketa wea stap yet lo Israel and lo Judah, abaotem olketa toktok lo datfala buk wea olketa faendem. Bikos kros blo Jehovah wea bae kam againstim iumi hem big tumas, bikos olketa grandadi blo iumi no followim toktok blo Jehovah taem olketa no obeyim evri samting wea olketa raetem lo disfala buk.”+

  • Joel 2:13
    Niu World Transleison blo Holy Scripture

    • 13 Tearem heart blo iufala,+ and no olketa kaleko blo iufala,+

      And kam bak lo Jehovah, God blo iufala,

      Bikos hem tingim* man and garem bigfala mercy, no savve kros kwiktaem+ and loyal love* blo hem big tumas,+

      And hem bae changem tingting blo hem* abaotem datfala trabol.