11 Semtaem wea king herem olketa toktok lo buk blo Law, hem brekem nao kaleko blo hem.+ 12 Then king givim order lo priest Hilkiah, Ahikam+ son blo Shaphan, Achbor son blo Micaiah, Shaphan wea hem secretary, and Asaiah wea hem servant blo king, 13 and sei: “Iufala go faendemaot tingting blo Jehovah for mi, for olketa pipol, and for evriwan lo Judah abaotem olketa toktok lo disfala buk wea olketa faendem. Bikos kros blo Jehovah wea kam againstim iumi hem big tumas,+ bikos olketa grandadi blo iumi no obeyim olketa toktok lo disfala buk, and olketa no followim evri samting wea olketa raetem daon for iumi followim.”