21 Then hem leidaon antap boy hia thrifala taem and hem prea olsem lo Jehovah: “O Jehovah, God blo mi, plis, mekem laef* blo disfala pikinini kam bak lo hem.” 22 Jehovah herem samting wea Elijah askem,+ and laef blo datfala pikinini kam bak lo hem, and hem laef nao.+

9 Wanfala young man wea nem blo hem Eutychus, hem sidaon lo window and hem deepim sleep taem Paul gohed story. And bikos Eutychus deepim sleep hem foldaon from mek-thri story, and taem olketa go kasem hem, hem dae finis. 10 So Paul go daon, hem leidaon antap lo hem and hagem hem,+ and sei: “Iufala no wari, bikos hem laef nao.”+