22 And pipol lo Judah gohed duim nogud samting lo eye blo Jehovah,+ and olketa mekem hem kros taem olketa duim sin wea worse go moa winim wanem olketa grandadi blo olketa duim.+ 23 Olketa wakem tu olketa hae ples* for olketa seleva, olketa ston post for worship,+ and olketa post for worship* antap lo evri hill,+ and andanit lo evri big tree wea grow gud.+

3 Hem gohed for duim samting wea stret lo eye blo Jehovah, bat no olsem grandadi blo hem David.+ Hem gohed for duim nomoa olketa samting wea dadi blo hem Jehoash hem bin duim.+ 4 Bat olketa hae ples* still stap,+ and olketa pipol still mekem sakrifaes and mekem sakrifaes for smoke lo olketa hae ples hia.+

19 Josiah aotem tu evri haos for worship wea stap lo olketa hae ples lo olketa taon blo Samaria,+ wea olketa king blo Israel olketa bin wakem for mekem God feel nogud, and hem duim sem samting lo olketa olsem hem bin duim lo Bethel.+ 20 So hem sakrifaesim evri priest blo olketa hae ples antap lo olketa altar lo there, and hem bonem bon blo olketa man antap olketa altar hia.+ Bihaen datwan, hem go bak lo Jerusalem.