31 Iufala mas no worshipim Jehovah, God blo iufala, lo wei olsem bikos taem olketa nation hia worshipim olketa god blo olketa, olketa duim evri nogud samting wea Jehovah heitim. Olketa bonem tu olketa son and olketa dota blo olketa lo fire for olketa god blo olketa.+

16 Lo mek-17 year lo rul blo Pekah son blo Remaliah, Ahaz+ son blo King Jotham blo Judah hem kamap king.

3 Bat hem gohed wakabaot followim wei blo olketa king blo Israel,+ and tu, hem sakrifaesim son blo hem lo fire,*+ followim rabis wei blo olketa nara nation+ wea Jehovah bin raosem olketa from olketa Israelite.

17 And tu, olketa sakrifaesim olketa son and olketa dota blo olketa lo fire,*+ olketa duim divination*+ and olketa lukaotem mining blo olketa saen, and olketa gohed for givim* olketa seleva for duim samting wea nogud lo eye blo Jehovah, for mekem hem feel nogud.

18 Jehovah barava kros lo olketa blo Israel, so hem aotem olketa from feis blo hem.+ Hem no letem eniwan lo Israel for stap bat tribe blo Judah nomoa hem stap.

30 ‘Bikos pipol lo Judah duim samting wea nogud lo eye blo mi,’ hem nao wanem Jehovah talem. ‘Olketa standapim olketa barava rabis idol insaed lo haos wea nem blo mi stap lo hem, for mekem haos hia no klin.+ 31 Olketa buildim olketa hae ples* lo Topheth, wea stap insaed Valley blo Son blo Hinnom,*+ for mekem olketa bonem olketa son and olketa dota blo olketa lo fire,+ wea hem samting wea mi nating komandim olketa for duim and no enitaem datwan kamap insaed heart* blo mi.’+

20 Nomoa. Wat mi minim nao, samting wea olketa nation sakrifaesim, olketa sakrifaesim lo olketa demon, and no lo God.+ And mi no laekem iufala for share witim olketa demon.+