• Job 38:8-11
    Niu World Transleison blo Holy Scripture

    •  8 And hu nao putim olketa door for blokem sea+

      Taem hem bosta kamaot from bele blo mami blo hem,

       9 Taem mi mekem hem werem olketa cloud

      And pasolem hem lo thik dark cloud,

      10 Taem mi putim olketa spialaen for hem

      And mi putim olketa bar and olketa door blo hem lo ples blo olketa,+

      11 And mi sei, ‘Iu savve kam kasem lo hia, and no go ovam moa.

      Lo hia nao olketa big wave blo iu bae stop’?+

  • Jeremiah 5:22
    Niu World Transleison blo Holy Scripture

    • 22 ‘Hao, iufala no fraetem mi?’ hem nao wanem Jehovah talem,

      ‘Why nao iufala no seksek front lo mi?

      Mi nao putim sandbis for kamap spialaen for sea,

      Disfala spialaen hem law wea stap for olowe.

      Nomata wave hem banga, bae hem hard for go winim.

      Nomata sea hem raf, hard for hem go ovam datwan.+