• Job 38:8-11
    Niu World Transleison blo Holy Scripture

    •  8 And hu nao putim olketa door for blokem sea+

      Taem hem bosta kamaot from bele blo mami blo hem,

       9 Taem mi mekem hem werem olketa cloud

      And pasolem hem lo thik dark cloud,

      10 Taem mi putim olketa spialaen for hem

      And mi putim olketa bar and olketa door blo hem lo ples blo olketa,+

      11 And mi sei, ‘Iu savve kam kasem lo hia, and no go ovam moa.

      Lo hia nao olketa big wave blo iu bae stop’?+

  • Psalms 104:6-9
    Niu World Transleison blo Holy Scripture

    •  6 Iu kavarem hem lo olketa deep wata olsem kaleko.+

      Olketa wata kavarem olketa maunten.

       7 Taem iu tok strong olketa ranawe,+

      Taem olketa herem saond blo thunder blo iu, olketa ranawe from olketa panic

       8 Olketa maunten go ap+ and olketa valley kam daon

      Lo ples wea iu markem for olketa.

       9 Iu markem baondri wea olketa mas no ovam,+

      Mekem no enitaem moa olketa kavarem earth.

  • Jeremiah 5:22
    Niu World Transleison blo Holy Scripture

    • 22 ‘Hao, iufala no fraetem mi?’ hem nao wanem Jehovah talem,

      ‘Why nao iufala no seksek front lo mi?

      Mi nao putim sandbis for kamap spialaen for sea,

      Disfala spialaen hem law wea stap for olowe.

      Nomata wave hem banga, bae hem hard for go winim.

      Nomata sea hem raf, hard for hem go ovam datwan.+