13 Mi storyim finis evri samting and diswan nao main point: Fraet lo tru God+ and obeyim olketa komandment blo hem+ bikos diswan nao hem most important samting lo laef blo man.+

 8 Man lo earth, hem bin talem iu finis samting wea gud.

And wanem nao Jehovah laekem iu for duim?*

37 Jesus sei lo hem: “‘Iufala mas lovem Jehovah,* God blo iufala, witim full heart blo iufala, witim full laef* blo iufala, and witim full mind blo iufala.’+ 38 Diswan nao hem first komandment and hem barava important. 39 Mek-tu hem olsem: ‘Iufala mas lovem neiba blo iufala olsem iufala lovem iufala seleva.’+ 40 Lo tufala komandment hia nao full Law and Olketa Profet base lo hem.”+