Wastaoa ONLINE LIBRARY

1 Samuel 16:6, 7

Niu World Transleison blo Holy Scripture
- 6 Taem olketa arrive, hem lukim Eliab+ and hem sei: “Masbi diswan nao man wea Jehovah anointim.” 7 Bat Jehovah sei lo Samuel: “No tingim lukluk blo hem and hao tol nao hem,+ bikos mi no chusim hem. Bikos hao man lukim samting hem difren from hao God lukim samting. Man lukim aotsaed nomoa, bat Jehovah lukim samting wea stap insaed lo heart.”+

Proverbs 24:12

Niu World Transleison blo Holy Scripture
- 12 Bat sapos iu sei, “Mifala no savve lo diswan,”
  Hao, God wea lukluk gud insaed lo olketa heart* no luksavve lo datwan?+
  
  Yes, God wea lukim iu* bae savve
  And hem bae givim samting lo each man fitim wanem hem duim.+

Jeremiah 17:10

Niu World Transleison blo Holy Scripture
- 10 Mi, Jehovah, mi lukluk insaed lo heart,+
  Mi lukluk gud lo tingting wea stap deep insaed lo* man,
  For judgem each wan followim olketa wei blo hem,
  And followim samting wea kamaot from wanem hem duim.+