• Isaiah 61:11
    Niu World Transleison blo Holy Scripture

    • 11 Olsem earth mekem olketa samting for grow

      And lo sem wei olsem olketa samting wea olketa plantim lo garden hem grow

      So, Sovereign Lord Jehovah tu bae

      Mekem raeteous fasin for kamap,+ and mekem pipol for praisem hem+ front lo evri nation.

  • Jeremiah 33:9
    Niu World Transleison blo Holy Scripture

    • 9 Disfala taon bae mekem mi hapi taem mi herem nem blo hem. Hem bae mekem evri nation lo earth wea herem evri gud samting wea mi duim for pipol blo mi+ for praisem and givim honor lo mi, and hem bae samting wea luk naes tumas front lo olketa. And olketa bae fraet and seksek+ bikos lo evri gud samting and peace wea mi bae givim lo hem.’”+

  • Zephaniah 3:19, 20
    Niu World Transleison blo Holy Scripture

    • 19 Lukim! Lo datfala taem mi bae duim samting againstim evriwan wea spoelem iu.+

      And mi bae sevem man wea wakabaot nogud,+

      And mi bae hipimap olketa wea go stap lo olketa difren ples.+

      Mi bae mekem olketa kamap samting wea pipol praisem and mekhae lo hem*

      Lo evri land wea olketa kasem shame.

      20 Lo datfala taem mi bae tekem iufala kam bak,

      Lo datfala taem mi bae hipim iufala tugeta.

      Bikos mi bae mekem iufala kamap samting wea pipol mekhae lo hem* and praisem+ midolwan evri pipol lo earth,

      Taem mi bae tekem kam bak olketa prisoner blo iufala front lo eye blo iufala,” diswan nao wanem Jehovah talem.+