“Kam, iumi go ap lo maunten blo Jehovah,

Lo haos blo God blo Jacob.+

Hem bae teachim iumi olketa wei blo hem,

And iumi bae wakabaot followim road blo hem.”+

Bikos law* bae go aot from Zion,

And toktok blo Jehovah bae go aot from Jerusalem.+

 6 Lo maunten hia,+ Jehovah, komanda blo olketa army, bae redyim for evri pipol

Wanfala feast blo olketa naesfala kaikai,+

Wanfala feast blo olketa gudfala wine,*

Olketa naesfala kaikai wea fulap lo olketa gris insaed olketa bon,

Gudfala wine wea olketa klinim gud.

52 Wekap! Wekap! O Zion!+ Kavarem iuseleva witim strong blo iu,+

O Jerusalem, datfala holy taon! Iu werem naes kaleko blo iu,+

Bikos eniwan wea no circumcise* and wea no klin bae no kam moa lo iu.+