• Isaiah 2:2, 3
    Niu World Transleison blo Holy Scripture

    •  2 Lo last part blo olketa day,*

      Datfala maunten wea haos blo Jehovah stap lo hem

      Bae hem barava stap strong, and hae ovam top blo olketa maunten,+

      And bae hem kamap hae ovam olketa hill,

      And pipol from evri nation bae go lo hem.+

       3 And staka pipol bae go and sei:

      “Kam, iumi go ap lo maunten blo Jehovah,

      Lo haos blo God blo Jacob.+

      Hem bae teachim iumi olketa wei blo hem,

      And iumi bae wakabaot followim road blo hem.”+

      Bikos law* bae go aot from Zion,

      And toktok blo Jehovah bae go aot from Jerusalem.+

  • Isaiah 56:6, 7
    Niu World Transleison blo Holy Scripture

    •  6 Bat for olketa foreigner wea worshipim Jehovah for duim waka blo hem,

      Wea lovem Jehovah and nem blo hem+

      And for kamap olketa servant blo hem,

      Evriwan wea keepim Sabbath and wea mekem holy

      And wea hol strong lo covenant blo mi,

       7 Olketa tu bae mi tekem olketa kam lo holy maunten blo mi+

      And for mekem olketa hapi insaed haos blo mi for prea.

      Olketa burnt offering* blo olketa, and olketa sakrifaes blo olketa, bae mi acceptim antap lo altar blo mi.

      Bikos pipol bae kolem haos blo mi, haos for evri pipol prea insaed.”+

  • Micah 4:1, 2
    Niu World Transleison blo Holy Scripture

    • 4 Lo last part blo olketa day,*

      Datfala maunten wea haos blo Jehovah stap lo hem+

      Bae hem barava stap strong, and hae ovam top blo olketa maunten,

      And bae hem kamap hae ovam olketa hill,

      And olketa pipol bae go lo hem.+

       2 And staka nation bae go and sei:

      “Kam, iumi go ap lo maunten blo Jehovah

      And lo datfala haos blo God blo Jacob.+

      Hem bae teachim iumi olketa wei blo hem,

      And iumi bae wakabaot followim road blo hem.”

      Bikos law* bae go aot from Zion,

      And toktok blo Jehovah bae go aot from Jerusalem.

  • Zechariah 8:22, 23
    Niu World Transleison blo Holy Scripture

    • 22 And staka pipol and olketa strongfala nation bae kam lo Jerusalem for savve moa abaotem Jehovah, komanda blo olketa army,+ and for begim* Jehovah for hem kaen lo olketa.’

      23 “Diswan nao wanem Jehovah, komanda blo olketa army, hem talem, ‘Lo datfala taem tenfala man from evri difren kaen languis blo olketa nation+ bae hol strong, yes, olketa bae hol taet lo kaleko* blo wanfala Jew,* and sei: “Mifala laek for go witim iufala,+ bikos mifala herem dat God hem stap witim iufala.”’”+