• Isaiah 1:23
    Niu World Transleison blo Holy Scripture

    • 23 Olketa leader blo iufala bighed and fren witim pipol for steal.+

      Evriwan lo olketa hapi for tekem bribe and aftarem olketa present.+

      Olketa no showimaot justice lo pikinini wea no garem dadi,*

      And no enitaem olketa herem kot case blo olketa widow woman.+

  • Jeremiah 5:26-28
    Niu World Transleison blo Holy Scripture

    • 26 Olketa wicked man stap midolwan pipol blo mi.

      Olketa gohed for lukluk, olsem olketa man for trapim bird wea bendaon for lukluk taem olketa weitim olketa.

      Olketa putim olketa trap wea savve killim dae samting.

      Olketa trap hia hem for trapim olketa man.

      27 Olsem wanfala cage wea fulap lo olketa bird,

      Haos blo olketa fulap lo wei for laea.+

      Dastawe olketa kamap paoaful and rich.

      28 Olketa kamap fat and skin blo olketa smooth.

      Olketa duim staka wicked samting.

      Olketa no followim justice taem olketa judgem case blo pikinini wea no garem dadi,+

      Mekem olketa savve kasem staka samting.

      And olketa no showim justice lo pipol wea poor.’”+

  • Micah 2:1, 2
    Niu World Transleison blo Holy Scripture

    • 2 “Sorre tumas lo olketa wea planim nogud samting,

      Wea mekem rabis plan taem olketa leidaon lo bed blo olketa!

      Taem hem daylaet olketa duim nao wat olketa planim,

      Bikos paoa for duim olketa samting hia hem lo hand blo olketa.+

       2 Olketa laekem olketa land and olketa go tekem.+

      And tu, olketa laekem olketa haos and olketa go tekem.

      Olketa ravem man and tekem haos blo hem,+

      Wea datwan hem inheritance blo hem.