24 Taem olketa kam lo camp blo olketa Israel, olketa Israelite getap and start for killim dae olketa Moabite wea ranawe from olketa.+ Olketa ronem olketa go kasem Moab, and killim dae olketa Moabite. 25 Olketa distroem evri taon, and each man torowem ston lo evri gudfala pis land, and fulimap witim ston. Olketa blokem olketa springwata,+ and katem daon evri gudfala tree.+ Gogo olketa wall ston lo Kir-hareseth+ nomoa standap, and olketa soldia wea iusim sling go raonem taon hia, and olketa sutim and distroem.

 7 Dastawe olketa blo Moab bae krae big for Moab.

Olketa evriwan bae krae big.+

Olketa wea narawan killim olketa bae krae for olketa raisin cake* blo Kir-hareseth.+