• Jeremiah 2:8
    Niu World Transleison blo Holy Scripture

    •  8 Olketa priest nating ask olsem, ‘Wea nao Jehovah?’+

      Olketa wea garem responsibility for teachim Law nating savve lo mi,

      Olketa shepherd olketa bighed againstim mi,+

      Olketa profet talem profesi lo nem blo Baal,+

      And olketa followim olketa god wea nating helpem olketa.

  • Jeremiah 8:10-12
    Niu World Transleison blo Holy Scripture

    • 10 So bae mi givim waef blo olketa lo olketa nara man,

      And garden blo olketa lo olketa narawan for onam.+

      Bikos start lo man nating go kasem bigman, evriwan laea for kasem samting for olketa seleva.+

      Start lo profet go kasem priest, evriwan gohed for ravem narawan.+

      11 Olketa trae for healim hard taem* wea dota blo pipol blo mi kasem, taem olketa sei,

      “Peace hem stap! Peace hem stap!”

      Bat no eni peace hem stap.+

      12 Hao, olketa feel shame lo olketa barava nogud samting wea olketa duim?

      Olketa nating shame nomoa!

      Olketa no even savve hao for feel shame!+

      So olketa bae foldaon midolwan olketa wea foldaon finis.

      Taem mi panisim olketa bae olketa stambol,’+ hem nao wanem Jehovah talem.

  • Micah 3:5
    Niu World Transleison blo Holy Scripture

    •  5 Diswan nao wanem Jehovah talem againstim olketa profet wea leadim pipol blo mi go difren,+

      Wea talemaot ‘Peace!’+ and lo semtaem baet* witim teeth blo olketa,+

      Bat olketa talemaot bae olketa faet againstim man wea no putim eniting lo mouth blo olketa, and sei:

  • Micah 3:11
    Niu World Transleison blo Holy Scripture

    • 11 Olketa leader* blo hem acceptim bribe mekem olketa judgem pipol,+

      Olketa priest blo hem teach for kasem pei nomoa,+

      And olketa profet blo hem duim divination for kasem selen.*+

      And then olketa depend lo Jehovah,* and sei:

      “Jehovah nao stap witim iumi.+

      No eni nogud samting bae kasem iumi.”+