33 “Taem olketa enemy winim pipol blo iu Israel bikos olketa gohed sin againstim iu,+ and olketa kam bak lo iu and mekhae lo nem blo iu,+ and prea and begim iu for forgivim olketa lo disfala haos,+ 34 plis, iu lisin kam from heven and iu forgivim sin blo pipol blo iu Israel, and tekem olketa kam bak lo land wea iu givim lo olketa grandadi blo olketa.+

3 Diswan nao samting wea Jehovah, komanda blo olketa army, wea hem God blo Israel, hem talem: “Changem olketa wei blo iufala and olketa samting wea iufala duim, and mi bae letem iufala for gohed stap lo disfala ples.+

3 Maet olketa bae lisin, and each wan bae tane bak from wicked wei blo hem, and mi bae changem tingting blo mi abaotem* trabol wea mi bae mekem for kasem olketa bikos lo olketa wicked samting wea olketa duim.+

21 “‘Bat sapos man wea wicked lusim evri sin wea hem duim, and followim olketa law blo mi and duim samting wea followim justice and wea raeteous, hem bae gohed stap laef. Hem bae no dae.+

5 Taem olketa man lo Nineveh herem diswan, olketa showimaot faith lo God,+ and olketa talem each other for fasting and werem kaleko for sorre, start lo bigman go kasem man nating.

10 Taem datfala tru God lukim wanem olketa duim, hao olketa lusim olketa wicked wei blo olketa,+ hem ting raonem moa* bigfala trabol wea hem sei bae hem mekem for kasem olketa, and hem no distroem olketa nao.+