• Ezekiel 25:12, 13
    Niu World Transleison blo Holy Scripture

    • 12 “Diswan nao wanem Sovereign Lord Jehovah hem talem: ‘Edom bin duim samting for againstim pipol blo Judah, and olketa samting wea hem duim for pei bak lo olketa mekem hem barava guilty,+ 13 so diswan nao wanem Sovereign Lord Jehovah hem talem: “Mi bae stretem hand blo mi tu againstim Edom and finisim olketa man and olketa animal from hem, and bae mi mekem hem for stap emti.+ Start lo Teman go kasem Dedan, olketa bae dae lo sword.+

  • Amos 1:11
    Niu World Transleison blo Holy Scripture

    • 11 Diswan nao wanem Jehovah talem,

      ‘From Edom bighed* thrifala taem+ and fofala taem, mi bae no changem wat mi disaedem finis,

      Bikos hem aftarem own brata blo hem witim sword,+

      And bikos hem les for showim mercy.

      From hem kros fogud hem no stop for brekem olketa brata blo hem,

      And hem gohed kros nomoa lo olketa.+

  • Obadiah 1
    Niu World Transleison blo Holy Scripture

    • 1 Vision blo Obadiah:*

      Diswan nao wanem Sovereign Lord Jehovah hem talem abaotem Edom:+

      “Mifala herem wanfala report from Jehovah,

      Hem sendem wanfala messenger go lo olketa nation, and sei:

      ‘Getap, iumi redi for faet againstim hem.’”+

  • Malachi 1:4
    Niu World Transleison blo Holy Scripture

    • 4 “Nomata Edom sei, ‘Olketa pisisim mifala bat mifala bae go bak and buildim bak moa olketa ples wea distroe,’ bat diswan nao wanem Jehovah, komanda blo olketa army, hem talem, ‘Olketa bae buildim bat mi bae distroem, and pipol bae kolem olketa lo “territory blo wicked fasin” and “pipol wea Jehovah panisim olketa for olowe.”+