2 So king givim order for kolem kam olketa priest wea duim magic, olketa wea duim divination,* olketa wea iusim demon for spoelem narawan, and olketa Chaldean,* for talem olketa dream blo king. So olketa kam insaed and standap front lo king.+

7 “Lo datfala taem olketa priest wea duim magic, olketa wea duim divination,* olketa Chaldean,* and olketa astrologer,*+ olketa kam lo mi. Taem mi talem olketa wanem nao datfala dream, olketa no savve talem mining blo hem lo mi.+

8 Then evri wise man blo king kam lo hem, bat olketa no savve readim datfala raeting or talem mining blo datwan lo king.+