17 And datfala tru God givim fofala young wan* hia wisdom, knowledge, and wei for minim evri difren kaen raeting. And Hem givim savve lo Daniel tu for minim evri difren kaen vision and dream.+

20 Taem king askem eni samting wea needim samwan wea wise and wea minim samting for advaesem hem, hem faendaot dat savve blo fofala hia hem ten taems winim evri priest wea duim magic and evriwan wea duim divination*+ lo full kingdom blo hem.

12 Bikos Daniel, wea king nemim hem lo Belteshazzar,+ hem kleva tumas and hem garem knowledge and hem garem savve for talem mining blo olketa dream, for ansarem olketa hard kwestin, and for solvem olketa problem wea no isi for solvem.*+ So kolem kam Daniel distaem, and bae hem talem iu mining blo diswan.”