-
Jeremiah 30:9Niu World Transleison blo Holy Scripture
-
-
9 Iu bae stap anda lo Jehovah, God blo iu, and David wea hem king blo iu, wea mi bae chusim for iu.”+
-
-
Ezekiel 34:23, 24Niu World Transleison blo Holy Scripture
-
-
23 Mi bae putim wanfala shepherd for lukaftarem olketa,+ wea hem servant blo mi David,+ and hem bae feedim olketa. Hem nao bae feedim olketa and kamap shepherd blo olketa.+ 24 And mi Jehovah, mi bae kamap God blo olketa,+ and servant blo mi David hem bae wanfala leader midolwan lo olketa.+ Mi Jehovah, mi nao talemaot diswan.
-
-
Ezekiel 37:24, 25Niu World Transleison blo Holy Scripture
-
-
24 “‘“Servant blo mi David nao bae hem king blo olketa,+ and olketa evriwan bae garem wanfala shepherd nomoa.+ Olketa bae followim olketa judicial disison* blo mi and barava obeyim olketa law blo mi.+ 25 Olketa bae stap lo land wea mi givim lo servant blo mi, Jacob, lo ples wea olketa grandadi blo iufala bin stap lo hem,+ and olketa bae stap lo hem for olowe,+ olketa witim pikinini* blo olketa, and pikinini blo olketa pikinini blo olketa.+ And servant blo mi David nao bae hem leader* blo olketa for olowe.+
-
-
Amos 9:11Niu World Transleison blo Holy Scripture
-
-
11 ‘Lo datfala day mi bae standapim haos* blo David+ wea foldaon,
Mi bae repairim olketa krak lo hem,*
And mi bae buildim bak haos hia wea distroe.
Mi bae buildim bak haos hia and hem bae kamap olsem lo taem bifor,+
-
Luke 1:31-33Niu World Transleison blo Holy Scripture
-
-
31 And lukim! bae iu babule and bornem wanfala son,+ and iu bae nemim hem Jesus.+ 32 Hem bae kamap wanfala barava important man+ and olketa bae kolem hem Son blo Most Hae,+ and Jehovah* God bae givim hem throne blo dadi blo hem David,+ 33 and bae hem King ovarem pipol* blo Jacob for olowe, and Kingdom blo hem bae no savve finis.”+
-
-
-