And waka for rul* bae stap lo shoulder blo hem.+

Bae olketa kolem hem Nambawan Man for Givim Kaonsel,+ Maeti God,+ Dadi for Olowe, and Prince blo Peace.

Strong wea kam from Jehovah, komanda blo olketa army, bae duim diswan.

 5 Then wanfala throne bae kamap strong from loyal love* blo iu.

Man wea sidaon lo hem lo tent blo David bae hem faithful.+

Hem bae judge followim samting wea stret and bae kwiktaem judgem pipol lo raeteous wei.”+

5 “Lukim! Taem bae kam,” diswan nao wanem Jehovah talem, “taem mi bae mekem wanfala niu sut* wea raeteous for kamaot from laen blo David.+ Hem bae rul+ and duim samting wea wise and judge followim justice and duim raeteous samting lo disfala land.+

24 “‘“Servant blo mi David nao bae hem king blo olketa,+ and olketa evriwan bae garem wanfala shepherd nomoa.+ Olketa bae followim olketa judicial disison* blo mi and barava obeyim olketa law blo mi.+ 25 Olketa bae stap lo land wea mi givim lo servant blo mi, Jacob, lo ples wea olketa grandadi blo iufala bin stap lo hem,+ and olketa bae stap lo hem for olowe,+ olketa witim pikinini* blo olketa, and pikinini blo olketa pikinini blo olketa.+ And servant blo mi David nao bae hem leader* blo olketa for olowe.+

8 Lo datfala day, Jehovah bae stap raonem pipol wea stap lo Jerusalem for defendim olketa.+ Lo datfala day, man wea klosap foldaon* midolwan lo olketa bae hem olsem David, and famili blo David bae olsem wanfala god, olsem angel blo Jehovah wea go firstaem lo olketa.+

31 And lukim! bae iu babule and bornem wanfala son,+ and iu bae nemim hem Jesus.+ 32 Hem bae kamap wanfala barava important man+ and olketa bae kolem hem Son blo Most Hae,+ and Jehovah* God bae givim hem throne blo dadi blo hem David,+ 33 and bae hem King ovarem pipol* blo Jacob for olowe, and Kingdom blo hem bae no savve finis.”+