• 2 Chronicles 30:8, 9
    Niu World Transleison blo Holy Scripture

    • 8 Iufala mas no bighed olsem olketa grandadi blo iufala.+ Iufala obeyim Jehovah and kam lo temple blo hem+ wea hem mek holy lo hem finis for olowe, and worshipim Jehovah, God blo iufala, mekem hem no kros moa lo iufala.+ 9 Bikos taem iufala kam bak lo Jehovah, olketa enemy wea tekem olketa brata blo iufala and son blo iufala for kamap prisoner bae sorre lo olketa,+ and letem olketa kam bak lo disfala land,+ bikos Jehovah, God blo iufala hem tingim*+ man and garem bigfala mercy, and hem bae no kros moa lo iufala sapos iufala kam bak lo hem.”+

  • Jeremiah 18:7, 8
    Niu World Transleison blo Holy Scripture

    • 7 Taem mi sei dat bae mi pullimaot and daonem and distroem wanfala nation or wanfala kingdom,+ 8 and nation hia lusim wicked samting wea olketa duim wea mi sei mi les lo hem, bae mi changem tingting blo mi abaotem nogud samting wea mi plan for panisim lo olketa.+

  • Zephaniah 2:2, 3
    Niu World Transleison blo Holy Scripture

    •  2 Bifor datfala disison hem kamap,

      Bifor datfala day hem go pas olsem skin blo grain wea wind blowim go,

      Bifor bigfala kros blo Jehovah hem kasem iufala,+

      Bifor day blo kros blo Jehovah hem kasem iufala,

       3 Lukaotem Jehovah,+ iufala evri hambol wan lo earth,

      Wea obeyim olketa raeteous law* blo hem.

      Lukaotem raeteous fasin, lukaotem hambol fasin.

      Maet iufala bae kasem protection lo day blo kros blo Jehovah.+