• 1 Kings 22:6
    Niu World Transleison blo Holy Scripture

    • 6 So king blo Israel kolem kam samting olsem 400 profet, and hem sei lo olketa: “Hao, mi shud go faet againstim Ramoth-gilead, or mi shud no go?” Olketa sei: “Iu go, and Jehovah bae givim taon hia lo hand blo king.”

  • 1 Kings 22:8
    Niu World Transleison blo Holy Scripture

    • 8 So king blo Israel sei lo Jehoshaphat: “Wanfala man stap wea iumi savve askem hem for savve lo tingting blo Jehovah,+ bat mi heitim hem+ bikos hem no savve talem eni profesi abaotem mi wea hem gud, olketa nogud samting nomoa hem talem.+ Nem blo hem Micaiah, son blo Imlah.” Bat Jehoshaphat sei: “King shud no talem kaen toktok olsem.”

  • Isaiah 9:15, 16
    Niu World Transleison blo Holy Scripture

    • 15 Elder and man wea pipol barava respectim hem nao datfala hed,

      And profet wea givim instruction wea no tru hem nao datfala tail.+

      16 Olketa wea leadim pipol hia mekem olketa for go olobaot,

      And olketa wea followim olketa, olketa konfius.

  • Jeremiah 6:13, 14
    Niu World Transleison blo Holy Scripture

    • 13 “Start lo man nating go kasem bigman, evriwan laea for kasem samting for olketa seleva.+

      Start lo profet go kasem priest, evriwan gohed for ravem narawan.+

      14 Olketa trae for healim hard taem* wea pipol blo mi kasem, taem olketa sei,

      ‘Peace hem stap! Peace hem stap!’

      Bat no eni peace hem stap.+

  • Ezekiel 13:2, 3
    Niu World Transleison blo Holy Scripture

    • 2 “Son blo man, iu talemaot profesi againstim olketa profet lo Israel,+ and tok olsem lo olketa wea mekem ap olketa profesi blo olketa seleva,*+ ‘Herem toktok blo Jehovah. 3 Diswan nao wanem Sovereign Lord Jehovah hem talem: “Sorre tumas lo olketa stupid profet hia, wea no lukim eni vision, bat followim tingting blo olketa seleva!+