• Jeremiah 23:3
    Niu World Transleison blo Holy Scripture

    • 3 “Then mi bae hipimap smol sekson blo olketa sheepsheep blo mi wea stap yet lo evri ples wea mi sendem olketa go lo hem,+ and mi bae tekem olketa kam bak lo ples blo olketa wea garem gudfala grass,+ and olketa bae garem pikinini and kamap staka.+

  • Amos 9:14
    Niu World Transleison blo Holy Scripture

    • 14 Mi bae tekem kam bak pipol blo mi, Israel, wea prisoner,+

      And olketa bae buildim bak olketa taon wea emti and stap insaed.+

      Olketa bae plantim grape planteison and drinkim wine blo olketa,+

      And plantim olketa frut tree and kaikaim frut blo olketa.’+

  • Micah 2:12
    Niu World Transleison blo Holy Scripture

    • 12 O Jacob, mi bae hipimap iufala evriwan.

      Bae mi mas tekem olketa blo Israel wea laef yet for kam tugeta.+

      Bae mi mekem olketa for wan mind, olsem olketa sheepsheep insaed fence,

      Olsem grup blo olketa sheepsheep wea stap lo ples for kaikaim grass.+

      Bae hem fulap witim noes blo olketa pipol.’+

  • Micah 4:10
    Niu World Transleison blo Holy Scripture

    • 10 O dota blo Zion, rola olobaot and krae,

      Olsem woman wea bornem pikinini,

      Bikos distaem bae iu go aot from datfala taon and stap lo open ples.

      Iu bae go kasem Babylon,+

      And lo there nao bae olketa sevem iu.+

      Lo there nao bae Jehovah baem iu bak from hand blo olketa enemy blo iu.+

  • Zephaniah 3:20
    Niu World Transleison blo Holy Scripture

    • 20 Lo datfala taem mi bae tekem iufala kam bak,

      Lo datfala taem mi bae hipim iufala tugeta.

      Bikos mi bae mekem iufala kamap samting wea pipol mekhae lo hem* and praisem+ midolwan evri pipol lo earth,

      Taem mi bae tekem kam bak olketa prisoner blo iufala front lo eye blo iufala,” diswan nao wanem Jehovah talem.+