Wastaoa ONLINE LIBRARY

Wastaoa ONLINE LIBRARY

Solomon Islands Pidgin

Deuteronomy 11:14

Niu World Transleison blo Holy Scripture
- 14 mi bae mekem hem rain tu lo land blo iufala lo stret taem blo hem, rain blo autumn season* and rain blo spring season,* and iufala bae kasem grain blo iufala and niu wine blo iufala and oil blo iufala.+

Jeremiah 14:22

Niu World Transleison blo Holy Scripture
- 22 Hao, eniwan lo olketa iusles idol blo olketa nation savve givim rain,
  Or skae seleva savve sendem kam rain?
  
  Hao, ino iu nomoa only God wea savve duim datwan, O Jehovah, God blo mifala?+
  
  And mifala hope lo iu,
  Bikos iu nomoa duim evri samting hia.

Jeremiah 51:16

Niu World Transleison blo Holy Scripture
- 16 Voice blo hem,
  Mekem olketa wata lo skae for mek noes,
  And hem kosim olketa cloud* for go ap from evri ples lo earth.
  
  Hem mekem laetning for kam witim* rain,
  And hem aotem wind from olketa stoahaos blo hem.+

Ezekiel 34:26

Niu World Transleison blo Holy Scripture
- 26 Mi bae mekem olketa and olketa area raonem hill blo mi for kasem blessing,+ and bae mi mekem rain for foldaon lo stret taem blo hem. Olketa blessing bae foldaon olsem rain.+

Joel 2:23

Niu World Transleison blo Holy Scripture
- 23 Iufala olketa son blo Zion, iufala hapi and feel gud lo olketa samting wea Jehovah, God blo iufala bae duim.+
  
  Bikos bae hem givim iufala inaf rain blo autumn season wea graon needim,
  And bae hem givim big rain for foldaon lo iufala,
  Rain blo autumn season and rain blo spring season, olsem lo bifor.+