4 Wanfala genereson wea wicked and wea no faithful lo God gohed lukaotem wanfala saen, bat saen wea hem bae lukim nomoa,+ hem datfala mirakol wea happen lo Jonah.”+ Bihaen hem talem datwan, hem go from olketa nao.

29 Taem staka pipol hipap kam tugeta, hem start for sei: “Diswan hem wanfala genereson wea wicked. Hem lukaotem wanfala saen, bat saen wea hem bae lukim nomoa, hem datfala mirakol wea happen lo Jonah.+ 30 Lo sem wei wea samting wea happen lo Jonah+ hem wanfala saen for pipol blo Nineveh, samting wea bae happen lo Son blo man tu bae hem wanfala saen for disfala genereson. 31 Lo day blo judgment, queen blo south+ bae laef bak witim olketa man lo disfala genereson, and hem bae showim dat disfala genereson olketa guilty, bikos hem kam from farawe ples lo earth for herem wisdom blo Solomon. Bat lukim! samwan wea important winim Solomon nao lo hia.+ 32 Lo day blo judgment, olketa man lo Nineveh bae laef bak witim disfala genereson, and olketa bae showim dat disfala genereson hem guilty, bikos olketa repent taem Jonah preach lo olketa.+ Bat lukim! samwan wea important winim Jonah nao lo hia.