-
Matthew 9:10, 11Niu World Transleison blo Holy Scripture
-
-
10 Bihaen, taem Jesus kaikai* lo haos, lukim! staka man for tekem tax and pipol wea duim sin olketa kam and start for kaikai* witim Jesus and olketa disaepol blo hem.+ 11 Bat taem olketa Pharisee lukim diswan, olketa sei olsem lo olketa disaepol blo hem: “Hao nao teacher blo iufala kaikai witim olketa wea tekem tax and pipol wea duim sin?”+
-
-
Mark 2:15, 16Niu World Transleison blo Holy Scripture
-
-
15 Bihaen datwan, Jesus kaikai* lo haos blo Levi, and staka man for tekem tax and pipol wea duim sin kaikai* witim Jesus and olketa disaepol blo hem, bikos staka lo olketa nao followim hem.+ 16 Bat taem olketa scribe wea olketa Pharisee tu, lukim hem kaikai witim pipol wea duim sin and olketa man wea tekem tax, olketa sei olsem lo olketa disaepol blo hem: “Hao, man hia savve kaikai witim olketa wea tekem tax and pipol wea duim sin?”
-
-
Luke 5:29, 30Niu World Transleison blo Holy Scripture
-
-
29 Then Levi mekem wanfala big feast for Jesus lo haos blo hem, and staka lo olketa man for tekem tax and olketa narawan tu kam for kaikai* witim olketa.+ 30 Taem olketa Pharisee and samfala scribe lukim diswan olketa start komplen and sei lo olketa disaepol blo hem: “Hao nao iufala kaikai and drink witim olketa wea tekem tax and pipol wea duim sin?”+
-