3 Bat Saul hem start for barava againstim datfala kongregeson. Hem go insaed lo evri haos, and kasholem olketa man and woman, and tekem olketa for putim olketa lo prison.+

4 Mi arrestim olketa man and woman wea followim The Way and putim olketa lo prison, and mi persecutim olketa and givim order for killim olketa dae tu.+

10 Datwan nao samting wea mi duim lo Jerusalem, and mi putim staka holy wan insaed prison,+ bikos mi kasem paoa from olketa chief priest,+ and taem olketa judgem olketa holy wan hia for dae, mi tu agree lo datwan. 11 Mi go lo evri sinagog and mi panisim olketa staka taem for trae forcem olketa for lusim biliv blo olketa, and from mi barava kros lo olketa, mi go lukaotem olketa lo olketa nara taon tu for mi persecutim olketa.

13 Yes, iufala herem finis story abaotem wat mi duim bifor taem mi insaed Jew religion,+ mi barava persecutim kongregeson blo God and spoelem olketa,+

12 Mi thankiu lo Lord blo iumi Christ Jesus wea givim paoa lo mi, bikos hem ting lo mi dat mi faithful dastawe hem givim mi wanfala ministry,+ 13 nomata lo bifor mi tok spoelem God, and mi persecutim pipol blo hem, and mi nating respectim narawan.+ Bat hem showim mercy lo mi bikos mi no savve wat mi duim hem rong and from mi no garem faith.