3 Bat Saul hem start for barava againstim datfala kongregeson. Hem go insaed lo evri haos, and kasholem olketa man and woman, and tekem olketa for putim olketa lo prison.+

9 Bat Saul kros yet lo olketa disaepol blo Lord and hem laekem tumas for killim olketa dae.+ So hem go lo hae priest 2 and askem hem for raetem olketa leta lo olketa sinagog lo Damascus, mekem hem kasem paoa for arrestim and tekem go lo Jerusalem eni man or woman wea followim The Way.*+

4 Mi arrestim olketa man and woman wea followim The Way and putim olketa lo prison, and mi persecutim olketa and givim order for killim olketa dae tu.+

9 Lo bifor, mi tingse hem barava stret for mi duim enikaen samting againstim nem blo Jesus datfala Nazarene. 10 Datwan nao samting wea mi duim lo Jerusalem, and mi putim staka holy wan insaed prison,+ bikos mi kasem paoa from olketa chief priest,+ and taem olketa judgem olketa holy wan hia for dae, mi tu agree lo datwan. 11 Mi go lo evri sinagog and mi panisim olketa staka taem for trae forcem olketa for lusim biliv blo olketa, and from mi barava kros lo olketa, mi go lukaotem olketa lo olketa nara taon tu for mi persecutim olketa.