16 Datfala wild animal hem forcem evri pipol (olketa man nating and olketa bigman, olketa wea rich and olketa wea poor, witim olketa wea free and olketa wea slave), for kasem wanfala mark lo raet hand blo olketa or lo forhed blo olketa,+ 17 and no eniwan savve baem or salem eni samting sapos hem no garem datfala mark, wea hem nem+ blo datfala wild animal or namba blo nem blo hem.+ 18 Man mas garem wisdom for savve lo diswan: Man wea wise mas wakemaot mining blo namba blo datfala wild animal. Hem namba blo man, and namba hia hem 666.+

2 Datfala first angel hem go kapsaetem dish blo hem lo earth.+ And wanfala nogud boela wea pain tumas+ hem kasem pipol wea garem mark blo datfala wild animal+ and wea worshipim datfala image blo hem.+

4 And mi lukim olketa throne, and olketa wea sidaon lo olketa throne hia kasem authority for judgem pipol. Yes, mi lukim olketa* wea pipol killim olketa dae bikos olketa witness abaotem Jesus and preach abaotem God, and olketa wea no worshipim datfala wild animal or image blo hem, and olketa no kasem datfala mark lo forhed blo olketa and lo hand blo olketa.+ And olketa kasem nao datfala laef and kamap olketa king wea rul witim Christ+ for 1,000 year.