B1
Main Message blo Bible
Jehovah God garem raet for rul. Rul blo hem nao best wan. Purpose blo hem for earth and for olketa man bae kamap tru.
Bihaen 4026 B.C.E. “Datfala snek” kwestinim raet blo Jehovah for rul and sapos rul blo hem gud or nomoa. Jehovah promis for givim wanfala “pikinini,” or wanfala “seed,” wea bae smasem datfala snek, wea minim Satan. (Genesis 3:1-5, 15, footnote) Nomata olsem, Jehovah allowim taem for olketa man rulim olketa seleva anda lo paoa blo datfala snek. |
1943 B.C.E. Jehovah talem Abraham dat disfala “pikinini” wea hem promis for givim, bae kam from laen blo hem.—Genesis 22:18. |
Bihaen 1070 B.C.E. Jehovah talem King David and bihaen moa lo son blo hem Solomon tu dat datfala “pikinini” wea hem promis for givim bae kam from famili laen blo tufala.—2 Samuel 7:12, 16; 1 Kings 9:3-5; Isaiah 9:6, 7. |
29 C.E. Jehovah talemaot dat Jesus nao datfala “pikinini” wea bae future king lo throne blo David.—Galatians 3:16; Luke 1:31-33; 3:21, 22. |
33 C.E. Datfala snek, wea hem Satan killim bihaen lo foot blo datfala “pikinini” taem hem bihaenem olketa man wea killim dae Jesus. Jehovah resurrectim Jesus and hem go bak lo heven and Jehovah acceptim ransom wea hem perfect laef blo Jesus. Diswan openem wei for olketa man kasem forgiveness for olketa sin blo olketa and hem givim hope lo olketa pikinini blo Adam for kasem laef olowe.—Genesis 3:15; Acts 2:32-36; 1 Corinthians 15:21, 22. |
Samting olsem 1914 C.E. Jesus torowem datfala snek wea hem Satan, kam daon lo earth, wea hem stap for lelebet taem.—Revelation 12:7-9, 12. |
Future Jesus putim Satan lo prison for 1,000 years and then bae hem smasem hed blo hem wea minim bae hem distroem hem. Then original purpose blo Jehovah for disfala earth and for olketa man bae kamap tru, hem bae finisim evriwan wea tok spoelem nem blo hem, and evriwan bae luksavve dat Jehovah nomoa garem raet for rul.—Revelation 20:1-3, 10; 21:3, 4. |