KWESTIN 1
Hu nao God?
“Pipol mas savve dat iu, wea nem blo iu Jehovah, iu nomoa datfala Most Hae ovarem full earth.”
“Iufala mas savve dat Jehovah nao hem God. Hem nao man wea wakem iumi, and iumi blo hem.”
“Mi Jehovah. Datwan nao nem blo mi. Mi no givim glory blo mi lo eniwan, or praise wea mi shud kasem for go lo olketa idol.”
“Evriwan wea kol lo nem blo Jehovah bae sev.”
“Hem tru, evri haos man nao wakem, bat man wea wakem evri samting hem God.”
“Iufala luk go ap lo skae and lukim. Hu nao creatim evri samting hia? Hem nao Man wea leadim kam army blo olketa, and kaontem each wan lo olketa. Hem givim nem lo each wan lo olketa. Bikos paoa blo hem strong tumas and paoa blo hem nambawan, evriwan stap lo ples blo olketa.”