KWESTIN 5
Wanem nao main message lo Bible?
“Bae mi mekem iu and datfala woman, and pikinini blo iu and pikinini blo datfala woman, for enemy. Hem bae smasem hed blo iu, and bae iu killim bihaen lo foot blo hem.”
“Thru lo pikinini blo iu, evri nation lo earth bae kasem blessing bikos iu obeyim mi.”
“Mifala laekem Kingdom blo iu for kam. Duim will blo iu lo earth, olsem iu duim lo heven.”
“And klosap nao God wea givim peace bae smasem Satan andanit lo foot blo iufala.”
“Taem evri samting anda lo paoa blo Son, then Son bae putim hemseleva anda lo paoa blo God, wea hem nao putim evri samting anda lo paoa blo Son. Diswan hem for God nomoa rul ovarem evriwan.”
“God talem olketa promis hia lo Abraham and lo pikinini blo hem . . . , wea hem nao Christ. And tu, sapos iufala blo Christ, tru samting nao iufala pikinini blo Abraham.”
“Kingdom blo world hem kamap Kingdom blo God blo iumi and blo Christ blo hem, and hem bae rul olsem king for olowe.”
“So olketa daonem datfala big dragon, datfala snek blo bifor, wea nem blo hem Devil and Satan, wea laea lo evriwan wea stap lo earth. Olketa torowem hem daon lo earth, and torowem daon olketa angel blo hem tu witim hem.”
“Hem kasholem datfala dragon, datfala snek blo bifor, wea hem nao datfala Devil and Satan, and hem taengem hem for 1,000 year.”