KWESTIN 16
Wat nao savve helpem iu for deal witim wei for wari?
“Torowem go hevi blo iu lo Jehovah, and hem bae kea for iu. Hem bae no letem raeteous wan for foldaon.”
“Olketa plan blo man wea waka hard bae succeed, bat evriwan wea kwiktaem duim samting bat no tingting firstaem bae poor.”
“Iu no fraet, bikos mi stap witim iu. Iu no wari, bikos mi nao God blo iu. Bae mi strongim iu, ia, mi bae helpem iu, mi bae barava hol strong lo iu witim raet hand blo mi wea duim raeteous samting.”
“Hao, wei for wari savve mekem eniwan lo iufala for addim go wanfala minute moa lo laef blo hem?”
“So no warim samting wea bae happen tumoro, bikos tumoro bae garem own wari blo hem. Each day garem own problem blo hem.”
“Luksavve lo olketa samting wea moa important.”
“No wari tumas abaotem eni samting, bat lo evriting wea iufala needim, barava askem God for datwan, and barava prea strong witim wei for talem thankiu, and peace blo God wea winim nao wanem man savve minim bae gaedem heart blo iufala and tingting blo iufala thru lo Christ Jesus.”