KWESTIN 17
Hao nao Bible savve helpem famili blo iu?
HASBAND/DADI
“Olsem tu, olketa hasband mas lovem waef blo olketa lo sem wei wea olketa lovem body blo olketa seleva. Man wea lovem waef blo hem, hem lovem hemseleva, bikos no enitaem eni man heitim body blo hemseleva, bat hem feedim and kea for hem. . . Each wan lo iufala mas lovem waef blo hem olsem hem lovem hemseleva.”
“Iufala olketa dadi, iufala mas no mekem pikinini blo iufala for feel nogud gogo olketa kros, bat lukaftarem olketa lo wei for givim discipline and training wea kam from Jehovah.”
WAEF
“Waef mas showim bigfala respect for hasband blo hem.”
“Iufala olketa waef, iufala mas willing for obeyim hasband blo iufala, bikos datwan hem stret samting for olketa wea followim Lord for duim.”
PIKININI
“Olketa pikinini, iufala mas obeyim dadi and mami blo iufala for fitim wanem Lord hem laekem, bikos diswan hem stret samting for duim. ‘Honorim dadi and mami blo iufala’ hem first komandment wea garem wanfala promis wea sei: ‘Mekem iufala garem gudfala laef and iufala savve laef for longtaem lo earth.’”
“Iufala olketa pikinini, iufala mas obeyim dadi and mami blo iufala lo evri samting, bikos diswan hem mekem Lord for barava hapi.”