“Wanfala Top Magasin”

Waswe, iu readim Wekap! magasin bifor? Hao nao tingting bilong iu long magasin wea stap long hand bilong iu? Waswe, iu tingim olketa story garem gudfala information, garem gud research, and naesfala piksa?

Wanfala man for raet long Nigeria, Africa, hem say: “Nomata mi no wanfala Witness Bilong Jehovah, mi readim Wekap! magasin evritaem. Wekap! hem wanfala top magasin. Hem givim planti gudfala idea long mi. Kava bilong hem kasholem interest and mekem pipol wea no judge firstaem for barava interest for openem olketa page and readim. Evri magasin showimaot naesfala stael; evri page, showimaot nambawan way for raet. Olketa raetem evri article long way wea gud tumas and wea fitim, and evri magasin fulap withim barava important information.”

Mifala encouragim iu for lukluk gud long olketa article long disfala magasin Wekap! Sapos iu laekem narawan, please raet go long Jehovah’s Witnesses of the Solomon Islands Trust Board Inc., Box 166, Honiara, or long wanfala address wea fitim long page 5. Mifala bae hapi for sendem nara magasin or, sapos iu laekem, samwan savvy kam long haos bilong iu for helpem iu savvy long olketa important taem wea iumi stap insaed.