Hem Sevem Selen Bilong Man

Taem hem travel long bus midolwan tufala taon long Nigeria, long West Africa, wanfala man story withim narafala man long bus abaotem “Olketa Fasin Wea God Hate-im,” wanfala leson wea stap insaed long brochure Wanem Nao God Mas Kasem From Iumi? Taem bus stop long ples for kaikai, datfala man wea hem interest long brochure point go long pasol wea hem karim and hem talem: “Diswan hem selen. . . . mi stealim from wanfala basket bihaen long bus.

But, disfala man wea tekem selen hia hem feel sorry long wanem hem duim and hem wantem for givim back selen long owner. Wanfala young bisnisman, wea olketa gogo tugeta, hem talem pasol hia bilong hem. Insaed hem garem samting olsem 150,000 naira (klosap $6,800). Disfala man for steal wea followim datfala man for klosap 500 kilometer, talem bisnisman hia for thankiu long man wea mekem hem ting raonem olketa information insaed long brochure. Hem talem hao disfala information nao muvim hem for givim go back selen.

Taem draeva and olketa narafala passenger faendaot wanem nao happen, olketa barava sapraes tumas and evriwan wantem wanfala copy long disfala brochure. Bifor, disfala bisnisman hem nating willing for toktok withim olketa Witness, but distaem hem ask for wanfala Bible study.

Iu savvy kasem disfala nambawan 32-page brochure taem iu raetem information long daon and sendem go long address wea stap long daon or long address wea fitim long page 5 bilong disfala magasin.

□ Sendem kam wanfala brochure Wanem Nao God Mas Kasem From Iumi?

□ Please kam lukim mi for wanfala free hom Bible study