“Mi Need for Savve Moa”

LAST year wanfala woman raet olsem: “Yesterday mi kasem datfala brochure Wanem Nao God Mas Kasem From Iumi? wea mi askem insaed leta.” Hem explainim hao, bifor diswan, hem kasem tufala advertisement for brochure hia. Hem sei: “Mi barava luk forward for kasem brochure hia bikos bihaen mi readim datfala advertisement, mi savve mi need for savve moa abaotem datwan. Taem mi kasem brochure hia, stretawe mi start for readim. Evri samting insaed brochure bilong iufala mek sense and kam from Bible.”

Hem finisim leta bilong hem olsem: “Mi feelim need for hariap duim samting wea mi readim.”

Mifala bilivim hao iu tu bae kasem gud samting from wei for readim disfala 32-page brochure Wanem Nao God Mas Kasem From Iumi? Witim datfala interesting leson, “Hu Nao Jesus Christ?” iu bae faendem samfala moa olsem, “Hu Nao God?,” “Wanem Nao Purpose Bilong God for Earth?,” and “Wanem Nao Kingdom Bilong God?” Sapos iu laek for kasem wanfala copy, raet long spes long daon and sendem long wanfala address wea fitim long page 5 bilong disfala magasin.

□ Sendem kam wanfala copy bilong brochure Wanem Nao God Mas Kasem From Iumi?

□ Plis kam lukim mi for wanfala free hom Bible study.