Barava Lukluk Gud Insaed Word Bilong God!

Hem nao samting wea datfala buk Worshipim Datfala Only Tru God bae helpem iu for duim. Olketa wakem disfala buk for helpem olketa wea studyim Bible for followim evri samting wea olketa lanem insaed Word bilong God. Wanfala man long Nigeria, West Africa, wea teachim olketa narawan abaotem Bible hem sei: “Samting wea mi barava laekem hem olketa kwestin insaed each chapter wea mekem man for tingting, and wea helpem man for barava minim and ting raonem samting hem readim.”

Wanfala woman wea teachim olketa narawan abaotem Bible for planti year hem sei: “Olketa raetem disfala buk long barava simpol wei! Hem barava naes for iusim for conductim olketa study.”

Maet iu tu bae ting olsem taem iu readim olketa chapter olsem “Kwestin wea Iumi Evriwan Mas Feisim,” “Wanem Nao Iumi Lanem From God Letem Wicked Fasin Go Ahed,” “Paoa Bilong Resurrection Hope,” and “Lisin Long Kaonsel, Acceptim Discipline.” Iu savve kasem disfala buk, Worshipim Datfala Only Tru God, wea garem 192 page sapos iu raetem stretfala information long box long daon and sendem kam long wanfala address wea fitim wea stap long page 5 bilong disfala magasin.

□ Mi laekem wanfala copy bilong disfala buk Worshipim Datfala Only Tru God.

□ Plis kam lukim mi for wanfala free hom Bible study.

[Piksa Credit Line long page 32]

Cover of book: U.S. Navy photo